Anda pinda brahmanda vicharana అండ పిండ బ్రహ్మాండ

 అండ పిండ బ్రహ్మాండ విచారణ పండితులకు ఎరుకా Anda pinda brahmanda vicharana

అండ పిండ బ్రహ్మాండ విచారణ పండితులకు ఎరుకా తిండిపోతులై తిరిగెడి శుద్ద, బండలకే మెరుక ఎవరి తలంపు ఏలాగున నున్నదొ ఈశ్వరునకు ఎరుకా గౌరవమెరుగని గార్ధవంబులకు గణ్యతలేమెరుక ||అండ||

భాగవతుల జాడలు ఈ జగతిని యోగ్యులకే ఎరుకా రాగద్వేషములణచక తిరుగు అయోగ్యులకే మెరుక సుమరస మాధురి క్రమముగ గ్రోలుట భ్రమరములకు ఎరుకా పామరముగ రక్తపానము చేసెడి దోమలకేమెరుక ||అండ||

ధర్మాధర్మములెరిగి చరించుట నిర్మలులకు ఎరుకా మర్మములాడుచు మాని తిరుగ దుష్కర్ముల కేమెరుక మతములన్ని సమ్మతమని మెలగుట యతీశ్వరులకెరుకా ఈతకాయలకు చేతులు చాచే కోతుల కేమెరుకా ||అండ|| బాగుగ సద్గురు బోద విరోధము సాదులకే ఎరుకా ఖేదములాడుచు గాధలు చెందే వాదుల కేమెరుక కన్నుల మధ్యన యున్న ప్రకాశము పుణ్యాత్ములకెరుకా చిన్న పెద్ద తన మెన్నగలేని దున్నలకేమెరుక ||అండ|| అద్దములో ప్రతి బింబము పోలిక సిద్దులకే ఎరుకా పెద్దల వాక్యము రద్దులు చేసే మొద్దులకేమెరుక ఆసురముగ ఎడ్ల రామదాసు కవి భగవంతునికెరుకా ఆశల పాలై హరిని తలంచని అధములకేమెరుక ||అండ||