Rama rama rama yanna రామ రామ రామ యన్న

 రామ రామ రామ యన్న రామ చిలుక ధన్యము 

రామ ప్రేమ చూరగొన్న చిట్టి ఉడుత ధన్యము

భక్తితో సేవించెడి లక్ష్మణుని ప్రేమ ధన్యము

పాద ధూలి సోకినట్టి శిల ఎంతో ధన్యము 

నావ నడిపి దరిజేర్చిన గుహుని సేవ ధన్యము 

రేగుపండ్లు తినిపించిన శబరి మాత ధన్యము

ఆశీస్సులు పొందిన ఆ పక్షిరాజు ధన్యము 

అభినందనలందుకొన్న కోతిమూక ధన్యము 

వారధి నిలిపిన సాగర జలమెంతో ధన్యము 

శరణాగతుడైన విభీషణుడెంతో ధన్యము

మధురాతి మధురము రెండక్షరముల నామము 

మహిమాన్వితమైనది శ్రీరామ నామ మంత్రము 

సత్యధర్మ మూర్తిత్వము రాముని అవతారము 

భక్తి ముక్తి దాయకము శ్రీరాముని భజనము