keshava govinda కేశవ గోవింద

 కేశవ గోవింద మాధవా యని

కీర్తన చేసే దెన్నటికో

నాశము లేని మోక్షమును పొందుట

నారాయణ నాకెన్నటికో ||కేశవ||

భక్తి మృదంగము తాళాదులతో

భజనలు చేసే దెన్నటికో

శక్తి మీరగ నృత్యము సేయుట

సారసాక్ష నా కెన్నటికో ||కేశవ||

పూవులతో నీ పాదంబులకును

పూజలు చేసే దెన్నటికో

నైవేద్యం బిడి పరమ భక్తిని

చాటించుట నా ఎన్నటికో ||కేశవ||

పాహి పాహియని పరమపురుష

నీ పాదంబుల బడు టెన్నటికో

దేహి దేహియని నీ కృపకొరకై

దేవురు లాడే దెన్నటికో ||కేశవ||

రామదాసులను బ్రోచినట్లు

సంరక్షణ చేసే దెన్నటికో

భామామణి రుక్మిణితో గూడి

బాసలు చేసే దెన్నటికో ||కేశవ||