బూచివాన్ని పిలువబోదునా గోపాలకృష్ణ // పల్లవి //
బూచివాని పిలువబోతే వద్దు వద్దు వద్దనేవు
ఆ చిచ్చి జోలపాడి ఆయిబుచ్చిన నిదురపోవు // బూచి //
మత్తగజము తెచ్చి చిన్న తిత్తిలోనమర్చి నాదు
నెత్తిమీదపెట్టి నన్ను యెత్తుకోమనేవు కృష్ణా // బూచి //
అల్లమూరగాయె పెరుగు అన్నమారగించమంటె
తల్లి వెన్నపాలు నాకు తెమ్ము తెమ్ము తెమ్మనేవు // బూచి //
రోటగట్టివేతు కృష్ణ రామదాసవరద నీవు
మాటిమాటికిట్లునన్ను మారాము చేసితేను // బూచి //
No comments:
Post a Comment