శివుని శిరసు పైన చిందులాడెడి గంగ
శ్రీ విష్ణు పాదమున వెలసీన గంగా
గౌరమ్మా పుట్టింట కాలు మోపిన గంగ
కవుల గంటముల కులికిన గంగ
ఉరవళ్ళ పరవళ్ళ ఊసులాడుకొనుచు
ఏరులలో వాగులలో జారిపోయే గంగ
నురుగులతో ముత్యాల మెరుపులతో కదలుచూ
పరుగులతో భూమిపై ప్రవహించే గంగ
జాబిల్లితో కలిసి ఆటలాడే గంగ
జాలరుల ఇంటాడపడుచైన గంగా
జీవ కోటుల ముఖ్య ప్రాణమైన గంగ
ఓషదుల పోషించూ వయ్యారి గంగా
భగీరథుని ముద్దు పాపా నీవే గంగా
సాగరుని మురిపించు చక్కనీ గంగ
లోకమున నివసించు ఆకాశ గంగా
నగ లోకమున వసియించు పాతాళా గంగా